Ра́дуйтеся, новому́ченицы и испове́дницы Росси́йстии, правосла́вных *удобре́ние [украшение], новозакла́ннии а́гнцы, ве́ры побо́рницы и храни́телие, хода́таи о нас к Бо́гу непосты́днии, в ле́та после́дняя страда́ньми подража́телие пе́рвым му́чеником яви́стеся, терпе́ния столпи́ непоколеби́мии, душа́м на́шим испроси́те ве́лию ми́лость.
Ра́дуйтеся, страстоте́рпцы сла́внии, стопа́м после́дующе дре́вних му́ченик, ве́ры ра́ди подвиза́стеся тве́рдо в лю́тая времена́ земли́ на́шея, и ны́не всех подвиза́ете к сла́ве и хвале́нию Бо́га, укре́пльшаго ва́ше немощно́е естество́ и обогати́вшаго вас дарова́ньми Ду́ха, во спасе́ние душ на́ших.
Святи́телю о́тче *Ти́хоне (Патриарх Московский), архипа́стырю многострада́льне, ты в годи́ну лю́тых безбо́жных гоне́ний ве́рная ча́да Це́ркве Росси́йския утеша́я, призыва́л еси́ за Христа́ и ве́ру Правосла́вную му́жественне стоя́ти, сам же, по вся дни умира́я за па́ству твою́, испове́дник непоколеби́мый яви́лся еси́. Сего́ ра́ди тя с любо́вию прославля́ем.
Па́стырю и́стинный, священному́чениче *Влади́мире (митрополит Киевский), егда́ беззако́ннии понужда́ху тя от Це́ркве Росси́йской отступи́ти, ве́рен де́лом и сло́вом святи́телю Ти́хону пребы́л еси́, и я́ко свяще́нная же́ртва от Ки́ева, ма́тере гра́дов ру́сских, Бо́гу прине́слся еси́, моля́ся о убива́ющих тя. Сего́ ра́ди тя усе́рдно прославля́ем.
Начало крещения стра́шнаго, и́мже *паки (снова) крести́ся(лась) земля русская, восхвалите, о горы Киевския, крестом апостола Андрея благословенные. *Иде́же (где) (т.е. в Киеве) благодать возсия́ роду нашему от веры же и Духа во отверзе́ние Царствия Божия, та́мо подоба́ше(ло) нача́тися и сему́ обновлению, кровию первозакла́нного от святителей русских (т.е. Владимира, митрополита Киевского), тезоиме́ннаго просветителю нашему (т.е. князю Владимиру). Сей бо Владимир новый, из виноградника своего (т.е. из монастыря) изведе́н за врата́ свяще́нныя Лавры Пече́рския, венчания Стефа́нова (т.е. первомученика архидиакона Стефана) сподобляется, прощая и благословляя убивающих его, яко кроткий молитвенник о душах наших.
Священному́чениче *Вениами́не (митрополит Петроградский), Це́ркве Христо́вы и́стинный сы́не, и благостоя́ния ея́ усе́рдный ревни́телю, проти́ву лжепа́стырей, тща́щихся расхи́тити ста́до твое́, му́жественне стал еси́ и, не убоя́вся преще́ний и лжесвиде́тельств мучи́телей, обрати́л еси́ суд на главу́ суди́вших тя, та́же сме́ртию твое́ю Правосла́вие утверди́л еси́. Сего́ ра́ди тя усе́рдно ублажа́ем.